Joshua, Fury nagkauyon na nga magsukmagay
CEBU, Philippines — Ang duha ka Briton nga heavyweight world champions nga sila si Anthony Joshua ug Tyson Fury nagkasinabot nga nga magsukmagay ibabaw sa ring.
Ang promoter ni Joshua nga si Eddie Hearn nakignegosasyon sa kampo ni Fury sud sa pipila ka mga semana ug nagbunga gyud ang iyang kahago.
Wala pa pa hinuo'y kontrata nga napirmahan, apan si Hearn mibutyag nga nangagpas siya nga si WBA, IBF ug WBO champion Joshua makigbinubukay ni WBC champion Fury alang sa undisputed title sunod tuig.
"We're making great progress. There is still a lot to overcome. We are looking at venues and dates," matud pa ni Hearn sa Sky Sports.
"We're in a good place," dugang pa niya. "It's fair to say that, in principle, both guys have agreed to that fight. Two fights.
Sa pagka karon, si Joshua gikatakda pang manalipod sa iyang mga bakus batok ni Kubrat Pulev sa Bulgaria, samtang si Fury makig-rematch ni Deontay Wilder.
- Latest