PSC nagbigay ng rekomendasyon sa DOH, IATF para sa physical activity
MANILA, Philippines — Malaki ang maitutulong ng sports at physical activities sa immune system ng isang tao sa pagsagupa sa coronavirus disease (COVID-19).
Nagsumite ang Philippine Sports Commission (PSC) ng rekomendasyon sa Department of Health (DOH) para sa muling pagpapakilala sa mga outdoor physical activities sa gitna ng pagharap ng mga Pinoy sa COVID-19 pandemic.
“We know that sports and physical activities are still very important to strengthen one’s immune system during this COVID-19 health crisis.” ani PSC Chairman William ‘Butch’ Ramirez.
Ang “Filipino Fitness and Recreational Sport-reintroduction Tool or Filipino First” ay isang pag-aaral na ginawa ng mga PSC Medical and Scientific Athlete Services sports science professionals sa pamumuno ni Dr. Randy Molo.
Layunin ng “Filipino FIRST” framework na maglatag ng panuntunan kung paano muling ipapakilala ang sports activity sa isang ligtas na pamamaraan.
Dahil sa pagkakalagay sa enhanced community quarantine sa Luzon at ibang probinsya bunga ng COVID-19 pandemic ay kinansela ng PSC ang lahat ng kanilang sports events ngayong taon.
Sinabi ni Department of Interior and Local Government (DILG) Secretary Eduardo Año na humanap ang Inter-Agency Task Force (IATF) ng paraan para payagan ang ilang sports activities, ngunit kailangang obserbahan ang physical distancing.
- Latest
