Kompirmado na pilipinas maoy co-host 2023 FIBA World Cup

CEBU, Philippines — Kasado na ang papel sa Pilipinas isip  co-host sa world basketball championship nga nailhan sab nga FIBA World Cup tulo ka tuig gikan karon.

Gipahibawo sa International Basketball Federation kon FIBA dili pa lamang dugay nga ang duha ka semanang liga mahitabo gikan  sa Agosto 25 hantod sa Septiyembre 10, 2023.

“This is certainly positive news as it is something to look forward to amid the difficult situation the entire world is facing right now,” matud pa ni Samahang Basketbol ng Pilipinas president Al Panlilio.

Sa sayo pa, si SBP chairman emeritus Manny V. Pangilinan mipadayag og pagsalig nga ang preparasyon sa nasud alang sa 2023 World Cup magpadayon nga hapsay taliwala ning pandemya nga nasinati karon sa tibuok kalibotan.

“Tatlong taon pa,” matud pa ni Pangilinan nga maoy reponsabli pagdala sa maong prestihiyosong event sa lapyahan sa nasud.

Gawas sa Pilipinas, ang ubang mga duwa ipahigayon  didto sa Indonesia ug Japan.