Guiao uyon pinoy mo-coach sa Gilas

CEBU, Philippines — Pabor si Yeng Guiao nga usa ka Pinoy ang kuhaon isip sunod head coach sa Gilas Pilipinas.

Sa susamang higayon, si Guiao gusto sab nga ang Gilas mokuha og daghang naturalized players ug ingon man mosunod sa sistema sa European basketball alang sa 2023 FIBA World Cup diin ang nasud usa sa mga host.

“To me that (hiring a Filipino coach) is really viable,” matud pa ni Guiao nga maoy midala sa Philippine team sa miaging 2019 FIBA World Cup didto sa China.

“I think we can stand up with the best basketball coaches in the world,” dugang pa niya.

Gawas nga mosunod sa sistema sa European basketball, si Guiao mipadayag nga ang Gilas kinahanglan mokuha dili lamang usa kondili lima ka mga naturalized players kon buot niining manindot ang ilang kampanya unya sa 2023.

Gisaytan nga mohulip sa dapit ni Andray Blatche nga maoy nangu sa Pilipinas niadtong 2014 ug 2019 World Cup mao sila si Ange Kouame sa Ateneo ug PBA imports Justin Brownlee ug Chris McCullough.