Hawks gikawras ang Cavs

CEBU, Philippines — Gitagak sa Atlanta Hawks ang Cleveland Cavaliers, 114-111 sa ilang panagsangka niadtong Huwebes (Biyernes dinhi sa ato) sa nahibiling 15.3 segundos sa regular time.

Gipangunahan ang Hawks ni Onyeka Okongwu kinsa nakatala og 29 puntos—nga mao ang iyang kinatas-ang nakuhang iskor karon nga season. Ang iyahang teammate nga si Nickeil Alexander-Walker mipasulod og duha ka mahinungdanong free throws sa nahabilin nga 15.3 segundos.

Ang maong kadaogan maoy nagputol sa tulo ka sagunson nga kapildihan sa Hawks ani nga season.

Sa samang higayon, giputol usab sa Atlanta ang tulo ka sunod-sunod nga kadaugan sa Cleveland. Ang kadaugan sab sa Hawks mao na sab ang ikalimang higayon nga napildi nila ang Cleveland diha mismo sa ilang korte.

Ang Hawks labaw na og 10 puntos sa nahabilin nga 4:34, apan ang Cleveland nakahimo sa pagpaduol sa iskor ngadto sa usa na lang ka puntos sa duha ka higayon—ang ikaduha pinaagi sa basket ni Donovan Mitchell sa nahabilin nga 21 segundos.

 Mipasulod si Alexander-Walker og duha ka free throws aron ibalik ang tulo ka puntos nga labaw, ug ang depensa sa Atlanta nakadepensa sa duha ka tira ni Mitchell sa katapusang mga segundo nga unta makatabla unta sa duwa.

Si Okongwu nakahimo og 11 ka puntos sa iyang 17 ka itsa, lakip na ang upat ka 3-pointers, ug 12 ka rebounds— nga maoy iyang kinatas-an karong season.

Samtang si Alexander-Walker nakahimo sad og walo ka puntos sa iyang 17 ka itsa pero nakapasulod siya og upat ka 3-pointers.Si Aaron Wiggins nga  gikan sa bench  nitampo pud og 20 puntos nga mao puy iyang kinatas-an karon nga season, pito ka rebounds, samtang si Jalen Johnson nakatala og 17 puntos.

 Sa habig sa Cleveland, si James Harden nakatala og 24 puntos (kinatas-an niya karong season) ug si Mitchell nakakuha og 22 puntos. Si Sam Merrill, gikan usab sa bench, mipasulod og upat ka 3-pointers ug mitapos nga adunay 16 puntos.

Epektibo hinuon ang depensa sa Cleveland  batok sa Atlanta kay nalimitahan lang sila sa 23.8% shooting sa unang quarter, ug pinaagi sa sayo nga 10-3 run, nakakuha sila og 28-16 nga labaw. Mao pa na sukad nga  gamay ang iskor sa Atlanta sa usa ka quarter karon nga season.

Sa first half, nakauna ang Cavs 35-24 sa nahabilin nga 7:22, apan naka-rally ang Atlanta og 13-2 aron makatabla sa 4:33  gikan sa usa ka "runner" nga tira ni Okongwu.

Ang Hawks nakakuha og 46-44 nga labaw sa pagtapos sa first half hangtud nga nisaka kini sa 61-50 pinaagi sa 3-pointer ni Alexander-Walker.

Sa ikatulong kwarter nakasikit ang Cleveland 83-82  pinaagi sa siyam ka puntos nga natala ni Harden.  Sa maong kwarter nakatala og 43 puntos bitbit ang siete puntos nga labaw sa pagsulod sa kataposang kwarter.

Sa naghinapos nga mga minutos sa ikaupat nga kwarter napagamyan ni Harden ang labaw sa Atlanta, 108-104, napun-an pa gyud ni og tulo ka free throws ni Donovan Mitchell maong usa nalay labaw. Pero ang rebound ni Okongwu sa nasipyat nga tres ni Walker nga nahimong dos puntos nakapalabaw sa Hawks og tres puntos.

Nakasikit pa gihapon ang Cavaliers pinaagi sa floater ni Mitchell maong usa nalay labaw. Apan sa nahibiling 15.3 segundos nakahimo pa gihapon og duha ka free throws si Alexander-Walker para moposte og 114-111,

Duha ka 3 pointer pa unta ang gisuwayan ni Mitchell pero napakyas kini. — IBM