Depensa ni Joshua lagmit abli sa publiko

CEBU, Philippines — Dunay dakong posibilidad nga buksan sa publiko ang sunod nga depensa ni world heavyweight champion Anthony Joshua.

Mao kini ang gipahibawo sa promoter ni Joshua nga si Eddie Hearn kagahapong adlawa.

Si Joshua gikatakda untang manalipod sa iyang WBA, IBF, WBO ug IBO heavyeweight titles batok ni Kubrat Pulev karong Hunyo 20 didto sa Tottenham Hotspur Stadium sa London, England.

Apan gikonsiderar karon ni Hearn nga iuswag ang away gumikan sa coronavirus nga padayong nanghasi sa tibuok kalibotan.

Plano ni Hearn nga ipahigayon kini karong Septiyembre o Oktubre didto sa Saudi Arabia, Dubai o Abu Dhabi.

Kon ugaling mahan-ay na ang tanan, dili hikawan ni Hearn ang mga fans nga motan-aw sa away didto mismo sa binyu.