PBA sa Agosto pa moluwat og desisyon
CEBU, Philippines — Nagkasinabot ang PBA Board of Governors nga maghuwat pa sila hangtod sa Agosto sa dili pa moluwat og desisyon kon padayonon ba o kanselahon na lang ang naputol niining Season 45.
"Maghihintay kami until August to decide whether it's still a go or a season cancellation," matud pa ni PBA commissioner Willie Marcial human sa duha ka oras nga teleconference sa liga nga gipangulohan ni chairman Ricky Vargas sa TNT KaTropa niadtong Sabado sa gabii. Apil sa gituki sa mga kadagkoan sa liga ang estado sa matag player ilabi kadtong mga kontrata mapupos na.
Nauyonan sab sa PBA Board nga idili una ang trade ug ingon man ang mga transaksiyon nga mopapirma og free agent players.
"The only transaction allowed is re-signing players whose contracts have lapsed," dason pa ni Marcial.
Kabahin sa pagbalik sa aksiyon sa liga, ang desisyon sa PBA mag-agad kon kanus-a tugotan sa kagamhanan ang mass gathering kon panagtapok sa daghang mga tawo.
- Latest
