CABL organizers nanghinaut malibkas na ang ECQ
CEBU, Philippines — Naghinaut ang mga organizers sa Cebu Aduana Basketball Legends nga malibkas na ang Enhanced Community Quarantine (ECQ) dinhi sa Sugbo aron mapadayon ang bag-ong nasugdan nilang liga nga giulohan og CABL Season 2 Dabarkads Cup 2020 diha sa Tinago gym sa Dakbayan sa Sugbo.
Kahinumduman, ang liga temporaryong gihunong niadtong hinapos nga bahin sa bulan sa Marso gumikan sa pagkuyanap sa coronavirus dili lang dinhi sa Sugbo, kondili sa tibuok kalibotan.
Gani padayon pa ang pagsulbong sa maong makalilisang nga virus hangtod karon nga nakangitngit og maayo kon kanus-a mabalik ang aksiyon sa CABL.
Sa wala pa gisuspenso ang liga, ang bag-ong team nga Gate Keeper maoy nag-una sa team standing human gipilde ang Petracorta Customs Brokerage sa iskor nga 73-56. Ang Gate Keeper adunay 2-0 nga baraha.
Ang mga organizers gilangkuban nilang Sidney Ganapin, Noel Medalle, Ferdi Sigue, Janno Boniao ug Jun Gayo.
- Latest