Players sa Jazz, thunder gipang-quarantine
CEBU, Philippines — Ang mga magduduwa sa Utah Jazz ug Oklahoma City Thunder kasamtangan karong gi-quarantine didto sa Chesapeake Arena sa OKC human usa ka player ang nagpositibo sa coronavirus kagahapong adlawa.
Si Utah big man Rudy Gobert gikataho nga nag-positibo sa bagsik kaayong virus nga miresulta ngadto sa pagkasuspenso sa NBA season.
Kining maong kalamboan miabot pipila lamang ka oras human ang NBA nagkasinabot nga ipahigayon ang ilang mga duwa bisan og walay mga fans sa binyu.
Bisan pa og wala si Gobert sa arena atol sa duwa nga kalit nga gikanselar, ang tanang players gi-quarantine gumikan sa ilang inter-aksiyon ni Gobert.
Taliwala sa nahitabo kaniya, si Gobert nagkanayon nga lagsik ang iyang pamati ug maayo ang iyang kondisyon.
- Latest