LeBron miwani na sab ni Zion kagahapon
CEBU, Philippines — Giwani sab ni LeBron James si top rookie Zion Williamson ug ang New Orleans Pelicans.
Iya kining nakab-ot bisan wala siya makadawat og tabang gikan sa iyang sidekick nga si Anthony Davis.
Si James mirehistro na sab og triple-double uban ang 34 puntos, 13 ka assists ug 12 ka rebounds aron pangulohan ang Los Angeles Lakers ngadto sa 122-114 nga kadaogan batok sa Pelicans kagahapon.
"Obviously, spectacular performance by LeBron James," matud pa ni Lakers coach Frank Vogel agig pagdayeg ni James. "His shot-making was ridiculous from both in the post, with turnaround jump shots, and at the 3-point line."
Miamot si Kyle Kuzma og 20 puntos, apil na nga usa ka 3-pionter nga nakapalabaw sa Lakers, 113-109 sa nahibilin nga 3:40 sa duwa.
Si Williamson wala makaugpo bisan og mipabuto og 35 puntos alang sa Pelicans.
- Latest
