Curry mobalik na'g duwa sa Warriors sunod semana

CEBU, Philippines – Mobalik na og duwa uban sa Golden State Warriors si NBA superstar Curry Stephen sunod semana.

Mismo si Golden State coach Steve Kerr ang mikompirmar ning maong kalamboan.

Matud pa ni Kerr nga plano nilang patikangon og balik sa korte si Curry karong Lunes, Marso 2 (oras dinhi sa Pilipinas) diin ilang sangkaon ang Washington Wizards. Ang two-time MVP wala na makaduwa pa sukad nabuak ang iyang kamot sa ikaupat pa lamang nga duwa sa Warriors ning NBA season niadtong Oktubre 30.

Nagkanayon si Kerr nga kondisyon na kaayo si Curry ug andam na kining moduwa og balik.