Kai Sotto mudani sa mga NBA scouts
CEBU, Philippines — Gusto sa Pinoy teen basketball sensation nga si Kai Sotto nga makuha ang mga interes sa mga NBA scouts sa iyang pagpakita og aksiyon sa NBA Basketball camp nga gitunong sa NBA All-Star Week didto sa Chicago. Si Sotto usa sa mga giimbitahan sa maong camp diin nakasinati siya og talagsaong training ug nakahimamat usab niya ang mga NBA stars.
Ang 7-foot-2 nga si Sotto kinsa mimugna na og kasikas sa high school basketball didto sa US miingon nga nanghinaot siya nga matagad sa mga NBA scouts ang iyang potensyal nga mupadali sa iyang damgo nga mamahimong labing unang Filipino nga makasulod sa NBA.
“Hopefully, I’ll get the interest of scouts and decision makers,” matud ni Sotto sa The Philippine STAR.
Si Sotto gikataho nga gitanyagan na sa nagkadaiyang college teams didto sa US aron moduwa kanila, apan wala pa siya mihimo og hukom. “None yet. I am fully exploring all my options at the moment,”dugang niya.
- Latest
