Pacquiao wala pa'y desisyon alang sa sunod niyang away

CEBU, Philippines – Gitug-an ni MP Promotions president  Sean Gibbons nga wala pa makadesisyon si Manny Pacquiao kon kinsa ang sunod niyang sangkaon ug kanus-a siya mobalik og saka sa ring ning tuiga.

Si Pacquiao nga kaduha nakadepensa sa iyang WBA welterweight title sa miaging tuig, gipaabot nga moaway sa sayo ning tuiga, apan ang iyang kampo miingon nga wala pa'y final decision ang eight-division world champion sa kasaysayan sa boksing.

Miingon si Gibbons  nga mas gihatagan karon ni Pacquiao og panahon iyang buluhaton isip senador ug mas nalingaw pa kini sa pagduwa og basketbol kaysa magplano nga mosugod na sa iyang training uban sa ni Buboy Fernandez.

Si Pacquiao nangunay usab karon isip tag-iya og Maharlika Pilipinas Basketbol League diin gusto niya nga matarong ang liga nga iyang gisugdan.

Nagtuo hinuon si Gibbons nga sa Hunyo o sa Hulyo ang sunod nga sangka ni Pacquiao.

Ang 41-anyos nga si Pacquiao nakadawat og mga hagit gikan nila ni Danny Garcia, Shawn Porter, Errol Spence ug Mikey Garcia, apan gidugang ni Gibbons nga mas palabihon gihapon sa Fighting Senator ang rematch ni Floyd Mayweather Jr.