Kapikas ni Kobe mipabuhagay sa kaguol sa labing unang higayon

CEBU, Philippines – Si Vanessa Bryant mipabuhagay sa iyang kaguol sa labing unang higayon sukad sa trahedya nga mikutlo sa kinabuhi sa iyang bana nga si Kobe Bryant ug anak nga si Gianna.

Matud pa ni Vanessa nga dili matukib ang gibati niyang kasakit ug kagul-anan sa pagkamatay ni Kobe ug Gianni human nahagsa ang gisakyan nilang helicopter niadtong Lunes didto sa bukirang bahin sa Los Angeles nga mikalas sab og lain pang pito ka mga tawo.

"We are completely devastated by the sudden loss of my adoring husband, Kobe - the amazing father of our children; and my beautiful, sweet Gianna  - a loving, thoughtful, and wonderful daughter, and amazing sister to Natalia, Bianka, and Capri," suwat pa ni Vanessa sa iyang Instagram account.

Nagkanayon si Vanessa nga nagpakasal ni Kobe niadtong 2001 sa dihang nag-edad pa lamang siya og 17-anyos  nga daw mabuak ang iyang dughan ug wala siya'y pulong nga ikahulagway sa iyang gibati nunot sa kalit nga pagpanaw sa pinangga niyang bana ug anak.

"There aren't enough words to describe our pain right now," dugang pa ni Vanessa. "We were so incredibly blessed to have them in our lives. I wish they were here with us forever. They were our beautiful blessings taken from us too soon."

Karon nga wala na si Kobe ug Gianni, si Vanessa miingon nga wala pa siya masayod kon unsay klasi sa kinabuhi ang nag-atang sa ilang pamilya sa unahan. Iya hinuong giangkon nga kinahanglan dawaton nila ang reyalidad nga wala na ilang kiliran ang duha ka haligi sa ilang pamilya ug dughan.

"I'm not sure what our lives hold beyond today, and it's impossible to imagine life without them," pahayag pang Vanessa. 

Taliwala sa ilang pagbangutan, si Vanessa mipadangat sa mainiton niyang pasalamat ngadto sa suporta ug pag-ampo sa mga fans ug nagmahal ni Kobe nga maoy naghatag kanila og kusog ug kalig-on ning labing magul-anong panid sa ilang kinabuhi.

"My girls and I want to thank the millions of people who've shown support and love during this horrific time. Thank you for all the prayers. We definitely need them," panapos niya.