SMB coach gihagit ang mga kaatbang

CEBU, Philippines — Taas ang kompiyansa ni San Miguel Beermen coach Leo Austria  nga mapanalipdan nila ang trono isip All-Filipino Cup champion.

Human sa bati nilang salida sa Governors' Cup   diin pakyas sila pagkompleto sa grandslam championship sa miaging season, si Austria miingon nga mas lig-on ang Beermen ug mihagit siya sa ilang mga kaatbang nga bawian sila og korona.

Ang Beermen mipahigayon na sa ilang team practice pangandam sa All-Filipino Cup nga buksan karong Marso.

Sayod si Austria nga suwayan sa ubang mga koponan nga mapilde sila alang sa Philippine Cup, apan nakita niya nga mas nilig-on ang iyang mga players human sa sunod-sunod nga kapakyasan ug kontrobersiya.

Usa na niini ang iyang sinaligang veteran star nga si Arwind Santos, kinsa gisuspenso sa miaging Governors' Cup.