Pacquiao, McGregor lagmit mag-engkuwentro
CEBU, Philippines – Padayon karong gilihok sa kampo ni Manny Pacquiao ang sunod nga away sa Pinoy'ng senador nga tentatibong gikatakda karong Abril o Hulyo ning tuiga.
Wala pa'y klaro kon kinsa'y kontra, apan ning puntoha si Pacquiao lagmit makigharong ni bisan kinsa.
Apil sa mga gisaytan nga iyang maka-engkuwentro ibabaw sa ring mao si UFC star Conor McGregor.
Si McGregor nga mobalik sa MMA diin iyang sangkaon si Donald Cerrone sa UFC 246 karong Enero 19, nagkanayon nga hapit na sila makahulma og kasabotan uban ni Pacquiao.
"I would be open to other boxing bouts. You know, Manny (Pacquiao). We're actually close to signing Manny," sumala pa ni McGregor sa dihang nahinabi ni Ariel Helwani sa ESPN. "There's been talks about the Manny fight as well. There’s been an offer made on (a fight with Pacquiao)."
Si McGregor nakasuway na og boksing, apan gikulata siya ni Floyd Mayweather Jr. niadtong Nobiyembre 2016.
Sa iyang bahin, ang tuong kamot ni Pacquiao nga si Sean Gibbons mipadayag nga bisan unsa puwedeng mahitabo samtang padayon nilang gi-estudyohan ang sunod nilang mga opsiyon alang sa bugtong eight-division world champion sa kasaysayan.
"Looking at all possibilities," matud pa ni Gibbons ngadto sa Philstar.com.
- Latest