James binalikat ang Lakers vs Mavs
DALLAS -- Hindi naglaro si Anthony Davis habang napilitan naman ang pagod na si LeBron James na pamunuan ang atake ng Los Angeles Lakers.
Nakapagtayo ang Lakers ng 22-point lead sa second quarter patungo sa 129-114 paggiba sa Mavericks sa harap ng 20,542 fans.
“He still has the injury and is not ready to play,” sabi ni Los Angeles head coach Frank Vogel kay Davis. “We’ll see how he is tomorrow.”
Ito ang pinakahuling pagkikita ng Los Angeles at Dallas sa regular season para sa mga Western Conference contenders.
Kumolekta si James ng 35 points, 16 rebounds at 7 assists sa kabila ng pagkakaroon ng flu-like symptoms habang nagdagdag si Kyle Kuzma, sumalo sa trabaho ni Davis, ng season-high 26 points para sa Lakers bukod pa sa 6 rebounds at 2 assists.
Tumapos naman si Luka Doncic na may 25 points, 10 rebounds at 7 assists sa panig ng Mavericks kasunod ang 22 markers ni Tim Hardaway Jr.
Sa Salt Lake City, kumamada si Fil-Am Jordan Clarkson ng 20 points mula sa bench at humakot si Rudy Gobert ng 15 points, 13 rebounds at 6 blocked shots para ihatid ang Utah Jazz sa 109-92 panalo laban sa Charlotte Hornets.
Sa Memphis, umiskor si Jaren Jackson Jr. ng 24 points habang nagposte si Ja Morant ng 22 points at season-high 14 assists para sa 134-121 pananaig ng Grizzlies laban sa San Antonio Spurs.
Sa Chicago, naglista si Myles Turner ng mga season highs na 27 points at 14 rebounds para sa 116-105 paggupo ng Indiana Pacers sa Bulls.
- Latest
