Kerr at Portis pinagmulta

NEW YORK -- Pinagmulta ng NBA si Golden State Warriors coach Steve Kerr ng $25,000 (ha­los P1.2 milyon) dahil sa paninigaw sa referee at ka­biguang umalis ng court sa maayos na paraan ma­tapos ang ejection.

Napatalsik si Kerr sa se­cond quarter ng 98-111 road loss ng Warriors laban sa Sacramento Kings no­ong Lunes matapos ang magkasunod na itinawag sa kanyang technical fouls ni referee Jason Goldenberg.

Inireklamo ni Kerr ang isang continuation call na pumabor sa Kings at nag­wa­la nang hindi makuha ang nasabing tawag sa panig ng Warriors.

Samantala, pinatawan ng NBA si Knicks forward-center Bobby Portis ng $25,000 (halos P1.2 mil­yon) dahil sa kanyang pagbangga sa nasa ereng si Los Angeles Lakers guard Kentavious Caldwell-Pope.

Tinawagan si Portis ng Flagrant Foul 2 at kaagad si­nibak sa laro sa 117-87 pa­nalo ng Lakers laban sa Knicks noong Martes.