Power forty nagmadaugon batok CEPBA
CEBU, Philippines — Nagmadaugon ang duha ka koponan sa Power Forty Ballclub batok sa Cebu Professional Basketball (CEPBA) teams sa ilang friendship game niadtong Domingo sa buntag diha sa YMCA gym, Cebu City.
Unang mihirit og daog ang Power Forty 50-above human makaipsot sa kulbahinam nga duwa batok sa CEPBA sa iskor nga 74-70 ubos sa pagpangulo nilang Rickboy Nacario ug Eduard Buhay nga parehong miiskor og 16 puntos.
Si Julyos Gastador miambit og 14 puntos sa Power Forty nga mi-rally sa fourth period aron maangkon ang kuwatro puntos nga kadaogan.
Tulo sab ka CEPBA players ang miiskor og double figures pinangulohan ni Rey Eduave nga mipabuhagay og 20 puntos, gisundan ni Felix Duhig sa iyang 14 puntos ug Hector Baclohan nga adunay 12 puntos.
Nakaeskapo sab ang Power Forty bitbit ang 79-76 nga kadaogan batok sa CEPBA sa 40-above division.
Gipangulohan ni Layl Vasquez ang kadaogan pinaagi sa iyang 20 puntos. Mitampo sab og 14 puntos si Pablo Cabrera alang sa Power Forty nga maoy midiktar sa tibuok duwa.
Sila si Lito Navarro ug Joey Olofernes nagtampohay og 11 puntos sa maong kadaogan.
Nangulo sa CEPBA mao si Jusak Arong nga mitusak og 13 puntos, samtang sila si Atoy Patindol, Jet Latonio ug Baunsit nag-amotay og 12 puntos sa napildeng koponan.
Ang Power Forty-CEPBA Friendship Game nahimo pinaagi sa paningkamot ni Atty. Flor Yosores sa abag ni Power Forty Ballclub president Edwin Dejacto Sr.
Gipaluyohan kini nilang Vez Eleguin ug Romy Rama sa Power Forty ug Dr. Villamor ug Gilbert Gajudo sa CEPBA.
Puntos Matag Usa
Unang duwa:
(50 above)
POWER FORTY (74) – Nacario 16, Buhay 16, Gastador 14, Tantiado 6, Diaz 5, Capala 4, Sumargo 4, Espinosa 3, Salacut 2, Canarias 2, Mercado 2.
CEPBA (70) – Eduave 20, Duhig 15, Baclohan 12, Kitane 7, Ibahay 5, Castanas 3, Romanos 3, O. Ibahay 2, Ortega 2, Aliño 2.
Ikaduhang duwa:
(40 above)
POWER FORTY (79) – Vasquez 20, Cabrera 14, Navarro 11, Olofernes 11, Dequit 6, Cainglet 5, Abasolo 4, Caman 3, Labajo 3, Fernandez 2.
CEPBA (76) – Arong 13, Patindol 12, Latonio 12, Baunsit 12, Espina 9, Dela Calzada 6, Tabasa 5, Garcia 5, Rosal 2.
- Latest
