Fajardo MVP of the decade
CEBU, Philippines — Sa talagsaong higayon, ang Philippine Basketball Association (PBA) miila ni June Mar Fajardo nga 'MVP of the Decade'.
Tungod kay ang Sugboanong sentro nga si Fajardo mao ang labing dominanteng magduduwa sukad sa tuig 2010 hangtod sa pagsulod sa 2020.
Lisud na tupngan ang nakab-ot sa 6-foot-11 nga si Fajardo, kinsa nagkupot sa rekord sa labing daghan nga MVP trophies nga lima ka buok uban ang walo ka 'Best Player of the Conference' awards.
Posible pa kini nga madugangan kon si Fajardo ang mogawas nga MVP karon nga season.
Si Fajardo nga mitikang sa PBA niadtong 2012, nahimong labing lig-on nga haligi sa San Miguel Beermen nga mihakot og kampiyonato sukad miduwa siya sa koponan.
Si Fajardo segurado na usab nga mosulod sa 'Mythical Five for the Decade'.
Lain pang mga lig-on nga kandidato nga mouban kaniya mao sila si Jayson Castro sa TNT KaTropa, former two-time MVP James Yap sa Rain or Shine Elasto Painters, SMB forward Arwind Santos ug Ranidel De Ocampo sa Meralco Bolts.
Laing mga PBA superstars nga pasidunggan isip kabahin sa all-time line ups mao sila si LA Tenorio, Paul Lee, Mark Barroca, Alex Cabgnot, Chris Ross, Terrence Romeo, Stanley Pringle, Jay Washington, Kelly Williams, Gary David, Calvin Abueva, Japeth Aguilar, Marcio Lassiter, Marc Pingris , Joe Devance, Sonny Thoss ug future PBA hall-of-famer Asi Taulava.
- Latest
