Overall championship 2-taon pinaghandaan - Ramirez
MANILA, Philippines — Pinaghandaan ng mahigit dalawang taon upang masungkit ng Team Philippines ang overall championship trophy sa katatapos pa lamang na 30th Southeast Asian Games.
“The program began immediately after the 2017 SEA Games in Kuala Lumpur where we finished miserably at sixth place with only 24 gold medals to show,” pahayag ni Philippine Sports Commission (PSC) Chairman at Team Philippines Chef de Mission William Ramirez.
Ito pa lamang ang ikalawang overall championship trophy ng Pilipinas simula ng sumali sa SEA Games noong 1977.
“The Philippines didn’t improve on finishing sixth in Singapore, and worse, there were four more golds in those 2015 Games,” dagdag ni Ramirez.
Unang nakamit ng bansa ang overall crown noong 2005 kung saan isinagawa rin dito sa Pilipinas ang biennial games at nagkataon din na ang tubong-Davao City na si Ramirez din ang Chief of Mission ng 2005 Team Philippines.
“But regardless of whether I am chef de mission or not, my mandate as PSC chairman is to make sure that our athletes are well taken care of—from their nutrition to billeting to the most important ingredient of all—training, preparation and foreign exposure,” ayon kay Ramirez.
Gumastos ang PSC ng mahigit P2.1 billion pesos para sa training ng mahigit 1,400 miyembro ng RP national pool mula sa 56 national sports associations. Kaya ayon kay Ramirez umabot din sa P1.4 millions ang ginastos bawat isang atleta ng bansa.
Ngunit, nagbunga rin ang pagsisikap ng mga atleta at mga opisyales na nagresulta sa mahigit 149 golds, 117 silvers at 119 bronze medals ang nakamit ng Team Philippines.
- Latest