Santos, nabong, tubid gisagpa"indefinite suspension" sa PBA

CEBU, Philippines — Gipahamtangan og 'indefinite suspension' sa PBA Commissioner's office ang tulo ka players sa San Miguel Beermen nga sila si All-Star Arwind Santos, Kelly Nabong ug Ronald Tubid.

Mao kini ang gipahibalo sa San Miguel management kagahapon.

Ang tulo nalambigit sa karambola uban ang import nga si Dez Wells atol sa team practice niadtong  Domingo.

Sa detalye sa mga nakasaksi, si Santos midasmag ni Wells atol sa usa ka play. Wala magustohi sa import ang gibuhat sa iyang teammate ug mihamag siya, apan dali siyang gisugat og kinumo ni Tubid.

Tungod kay higala ni Wells, mibawos og sukmag si Nabong ngadto ni Tubid, kinsa unang gikataho na-knockout.

Ang maong suspension segurado nga makaapekto sa kampanya sa Beermen ilabi na nga hapit na ang playoffs sa Governors' Cup. Ang San Miguel nag-apas og kasaysayan isip usa ka grandslam champion kon ugaling molampos sila karon nga conference.