Philippines Skateboarding Team target ang 8 ginto
MANILA, Philippines — Puntirya ng Skateboarding and Roller Sports Association of the Philippines (SRSAP) na walisin ang lahat ng gintong medalyang nakataya sa skateboarding sa 2019 Southeast Asian Games na tatakbo mula Nobyembre 30 hanggang Disyembre 11.
Tiwala si SRSAP president Monty Mendigoria na kaya ng kanyang tropa na makuha ang lahat ng walong gintong medalyang paglalabanan sa biennial meet.
“Yes, we’re looking at sweeping all of our eight events in the SEA Games. I am confident of my projection because when we decided on what events to play, I was told by POC president Bambol Tolentino to put in those where we can surely win the gold medal,” ani Mendigoria.
Nais ni Mendigoria na makatuwang sa tangka ng Pilipinas na masungkit ang overall championship crown sa SEA Games.
“And I can say that we are unbeatable in all of the events that we have included,” sabi pa ni Mendigoria.
Paglalabanan ang ginto sa men at women’s street, game of skate at downhill events.
Walang iba kundi si Asian Games gold medalist Margielyn Didal ang mangunguna sa kampanya ng Pilipinas.
Makakasama nito sina Christiana Means, Jericho “Kiko” Francisco at ilang Filipino-foreign athletes mula sa Europe at Amerika.
Galing si Didal sa impresibong kampanya sa Amerika kung saan nakasungkit ito ng dalawang titulo. (CCo)
- Latest
