Pinoy jins sisipa sa Vietnam Open
MANILA, Philippines — Asam ng 29 Filipino taekwondo jins ang magandang kampanya sa 2019 Asian Open Championships sa Agosto 12-18 sa Ho Chi Minh City, Vietnam.
Dala ng mga Pinoys jins ang bandila ng bansa sa kyorugi (free sparring) event habang 12 sa kanila ay sasabak sa poomsae (forms) event ng kumpetisyon na sasalihan din ng mga magagaling mula sa iba’t ibang bansa.
Ang mga Filipino entries sa kyorugi ay sina Kurt Barbosa (-54kg), Dex Ian Chavez (-58kg), Kurt Pajuelas (-63kg), Arven Alcantara (-68kg), Dave Cea (-74kg), Samuel Thomas Harper Morrison (-80kg), Israel Cesar Cantos (-87kg) at Kristopher Robert Uy (+87kg) sa male category.
Sa women’s division naman ay sina Veronica Garces (-46kg), Rheza Aragon (-49kg), Rhezie Aragon (-53kg), Pauline Louie Lopez (-57kg), Realis Tabiando (-62kg), Darlene Mae Arpon (-67kg), Laila Delo (-73kg) at Kirstie Elaine Alora (+73kg).
Pangungunahan naman ni Rodolfo Reyes Jr., Raphael Enrico Mella, Dustin Jacob Mella, Jeordan Dominguez, Patrick King Perez, Darius Venerable at Marvin More ang male poomsae at sina Rinna Babanto, Jocel Lyn Ninobla, Juvenile Faye Crisostomo, Janna Dominique Oliva at Aidaine Krishia Laxa ang female poomsae event.
Ang partisipasyon ng national team ay sinusuportahan ng Philippine Sports Commission, PLDT, Meralco, Philippine Olympic Committee at MILO.
- Latest