Carter gipaabot mopirma'g kontrata sa Atlanta Hawks
CEBU, Philippines – Wala pa'y plano ang 42-anyos ug eight-time All-Star nga si Vince Carter nga moretiro sa NBA.
Si Carter gipaabot karon nga mopirma og kontrata uban sa Atlanta Hawks.
Wala pa mahingpit ang maong kontrata, apan mismo ang kampo sa Hawks miingon nga moduwa kanila si Carter nga ilang kasaligan isip bench player.
Kini ang ika-22 nga season ni Carter ug malabwan na niya sila si Dirk Nowitzki, Kevin Garnett, Kevin Willis ug Robert Parish nga adunay 21 ka season sa wala pa mitapos sa ilang karera.
Si Carter miduwa sa Hawks sa miaging season sa wala pa mahimong free-agent.
Sa 2018-2019 season, ang kanhi Slam Dunk King mi-average og 7.4 points.
Bisan og wala siya'y NBA title, si Carter maisip nga future Hall-of-Famer tungod kay usa siya ka NBA Rookie of the Year, scoring champion ug Olympic gold medalist.
- Latest