Fajardo gibayaw nga Player of the Week sa PBA
CEBU, Philippines — Ang Sugboanong higante nga si June Mar Fajardo sa San Miguel Beermen maoy gipasidunggang nga PBA Player of the Week gumikan sa dako niyang natampo pagduso sa iyang koponan ngadto sa playoffs.
Ang five-time MVP mikadlit og impresibong mga numero sa duha ka sagunson nga daog sa Beermen niadtong Hulyo 8-14 nga nakahatag kanila og luna sa eight-team quarterfinals.
Si Fajardo mi-average og 22.5 points ug 14.5 rebounds sa dihang gibuntog sa San Miguel ang Phoenix Fuel Masters (128-108) ug ang Rain or Shine Elasto Painters.
Gipangpilde ni Fajardo sa maong senemanag pasidungog sila si Robert Bolick (NorthPort), Bobby Ray Parks (Blackwater), Japeth Aguilar, Stanley Pringle ug Scottie Thompson (Ginebra) ug Kenneth Ighalo (NLEX).
- Latest