Petron hindi titigil sa pagkolekta ng titulo

MANILA, Philippines — Matapos pagreynahan ang Grand Prix, walang balak huminto ang Petron na target pang humakot ng titulo sa mga susunod na kumperensiya ng Philippine Superliga.

Hangad ni Petron mentor Shaq Delos Santos na ipagpatuloy ang winning culture ng Petron, bagay na tila banta at hamon sa mga kalaban nito partikular na sa susunod na kumperensiya – ang All-Filipino Conference.

“We’re not yet done. We will work hard to win more titles. We give our 100 percent every conference whether we’re the reigning champions or not. We have no plans of taking it easy because we want to have a winning culture at Petron. So rest assured that we would do our best again to win the title in the All-Filipino,” ani Delos Santos.

Inilabas ng Petron ang kanilang bangis matapos patumbahin ang F2 Logis­tics sa pamamagitan ng 26-24, 25-19, 23-25, 25-19 demolisyon sa rubber match ng best-of-three championship series para masiguro ang back-to-back titles.

Walang iba kundi sina American imports Stephanie Niemer at Katherine Bell ang nasandalan ng Blaze Spikers para pigilan ang Cargo Movers.

Humataw si Niemer ng 31 puntos, habang nag­dag­dag si Bell ng 16 hits sa naturang laro.

Nasungkit ni Niemer ang Best Scorer at Most Va­luable Player awards at ibinigay kay Bell ang Foreign Best Outside Hitter award, samantalang si Rhea Dimaculangan ang Best Setter.

“Our loss in Game One served as the tur­ning point. After we lost in Game One, we had an open forum where we allowed everybody to speak up and release everything in their hearts. It was a success. We renewed our com­mit­ment to winning and played Games 2 and 3 with hunger and intensity,” ani Delos Santos.

Malaki rin ang naitulong nina Mika Reyes, Aiza Maizo-Pontillas, Frances Molina, Remy Palma at Ber­nadeth Pons.