Talisay, Mandaue sud semis
CEBU, Philippines — Ang defending champion Talisay City Aquastars ug ang Mandaue City Ballers mipilde sa tagsa-tagsa nila ka mga kontra aron makuha ang luna sa semifinals sa 2019 Cebu Governor's Cup Inter-Cities and Municipalities Under 21 Developmental Basketball Tournament.
Mipaduol og maayo ang Talisay sa ilang misyon nga madepensaan ang ilang korona human gilubong ang Alegria, 95-77, samtang ang Mandaue milubong sab sa Argao, 92-65 aron pagpabilin sab nga wa'y pilde sa lima ka duwa.
Bitbit ang parehong 5-0 nga baraha, ang Talisay ug Mandaue seguro nang sud sa semis bisan unsa pa ang resulta sa katapusan nilang mga duwa sa quarterfinal round.
Sa laing bahin, ang Tuburan mipahayag sa ilang kampanya sa semis uban ang 4-1 nga marka human gipakaging ang Tabuelan, 85-73.
Pabilin pa sab nga buhi ang Minglanilla Archangels sa Final Four human gilat-an ang Consolacion Sarok Weavers, 101-78.
Ang Minglanilla nagkupot na karon og 4-2 record, samtang ang Consolacion natagak ngadto sa 3-2.
Sa uban pang mga resulta, ang Dumanjug milubong sa Medellin Sweeteners, 86-56, ang Danao City mibuntog sa Siempre Samboan, 84-77. Nangatagak na hinuon ang Dumanjug ug Danao (2-3) ingon man ang Argao (1-4) ug Samboan (1-5).
- Latest
