Fajardo nawad-an na'g pasensiya
CEBU, Philippines – Si reigning MVP JuneMar Fajardo sa San Miguel Beermen maoy labing kalma ug pasensyoso nga player sa PBA, apan ang Sugboanong sentro miangkon nga miaksiyon na siya og kapungot sa grabe ka pisikal nga duwa nga nahiaguman niya gikan sa Phoenix Fuel Masters.
Giangkon ni Fajardo nga nasakitan na siya sa mga hapak gikan sa Phoenix defenders ug nakaapekto na kini sa iyang duwa ilabi na nga naglikay siya sa injury.
"Nagtitimpi lang ako kanina kasi pag pumatol ako sa physicality, parang mawawala ako sa game. Kaya tina-try kong mag focus sa game," matud pa ni Fajardo atol sa 92-82 nga kadaogan sa Beermen sa Game-2 niadtong Lunes sa gabii.
Si Fajardo nagtuo nga mas grabe pa unya kapisikal ang mga magbantay kaniya sa Game-3 karong Domingo diin laraw nila ang 3-0 nga bentaha sa serye. Mag-ampo lang si Fajardo nga dili kaayo hugaw ang buhaton sa Phoenix ngadto kaniya aron dili siya matintal pagbawos.
Si Fajardo gipuli-pulihan pagbantay sa bigmen sa Phoenix nga silang Justin Chua, Doug Kramer ug Jason Perkins.
- Latest