Phoenix mopaluhod sa san miguel

CEBU, Philippines – Ang Phoenix Fuel Masters  mao no. 1, apan  sayod sila nga maoy     'underdog' batok sa defending champion San Miguel Beermen sa ilang best-of-seven semifinals series sa PBA Philippine Cup.

Ang San Miguel ug Phoenix magsangka sa Game 1 karong alas-6:30 sa gabii didto sa MOA Arena.

Si Phoenix coach Louie Alas nagkanayon nga dili sayon ang misyon sa pakigsangka sa San Miguel tungod sa  lig-on nga line-up niini, apan gikondisyon na niya iyang mga players.  

Nidaog hinuon ang Phoenix sa  San Miguel, 96-93 atol sa elimination  round  niadtong Marso 16, apan si Alas sayod nga lahi nga Beermen ang ilang atubangon sa semifinals.

Sakto sab hinuon og pahuway ang Phoenix  kay sayo silang  misulod sa semifinals, samtang ang San Miguel kinahanglan pa moagi og  do-or-die series sa quarterfinals batok TNT Katropa.

Midugang si Alas nga krusyal ang ilang buhatong depensa batok JuneMar Fajardo tungod kay lisud kini pugngan sa ilawom.