NLEX, Aces ilog luna sa quarterfinals

CEBU, Philippines – Anaa ra sa NLEX Road Warriors ug Alaska Aces ang ikasangka sa top seed nga Phoenix Fuel Masters sa PBA Philippine Cup quarterfinals.

Ang NLEX ug Alaska nga nagtabla sa ikawalong dapit sa standing nga parehong adunay 4-7 records, mag-abot karong gabii didto sa Mall of Asia Arena  ug ang modaog maoy moabante sa playoffs.

Si NLEX coach Yeng Guiao positibo nga sila ang moabante sa playoffs tungod kay napilde nila ang Aces sa katapusang nilang sangka sa elimination, 91-70 niadtong miaging buwan.