Asi Taulava nakahuna-huna na og retiro

CEBU, Philippines – Misantop na sa huna-huna ni NLEX Road Warriors veteran center Asi Taulava ang pagretiro sa PBA.

Ang 45-anyos nga si Taulava miingon nga nakahuna-huna na siya pagretiro tungod  sa iyang edad diin miduwa siya og 20 ka tuig sa liga.

Si Taulava unang misud sa PBA niadtong tuig 1999 diin iyang naserbisyohan ang Coca-Cola, Meralco, Air21, TNT ug NLEX.

"Retirement, it's on its way, the door is getting closer," matud pa sa 6-foot-7 nga si Taulava. Si Taulava adunay career-average nga double-double, apan mikunhod iyang produksiyon diin mi-average siya og 2.7 points ug 2.8 rebounds.