Lahat palaban sa D-League Aspirants’ Cup
MANILA, Philippines — Asahan ang matinding bakbakan tampok ang 20 koponang sasabak sa 2019 PBA D-League Aspirants’ Cup na magsisimula sa Pebrero 14 sa Ynares Sports Arena sa Pasig City.
Unang masisilayan ang duwelo ng Cignal-Ateneo de Manila University at Go For Gold-College of Saint Benilde at ng Marinerong Pilipino at Valencia City-San Sebastian College-Recoletos.
“We expect to see some of the leading basketball talents in the country,” ani PBA Operations Head Eric Castro sa pagbisita nito sa Usapang Sports na inorganisa ng Tabloid Organization in Philippine Sports (TOPS) sa National Press Club sa Intramuros, Manila.
Dumalo rin sina coaches Yong Garcia ng Marinerong Pilipino, Lou Gatumbato ng Letran College-Petron, Jimmy Manansala ng St. Clare College-Virtual Reality, Mike Saguiguit ng University of Perpetual Help-Rizal, Benjie Diswe ng AMA Online Education at Kristoffer Co ng University of Santo Tomas-Ironcon Builders.
Matitikas ang lineup ng bawat koponan na galing sa UAAP, NCAA, NAASCU at UCBL gayundin sa iba’t ibang commercial leagues.
Isa ang Marinerong Pilipino sa may pinaka-solidong lineup ngunit aminado si Garcia na magiging matindi ang labanan sa pagkakataong ito dahil sa mga collegiate teams na may kani-kanilang malalakas na lineups.
- Latest
