PH sepak takraw handa na para sa SEA Games buildup
MANILA, Philippines — Bilang bahagi ng paghahanda para sa 30th Southeast Asian Games, sasabak ang Philippine national sepak takraw team sa 2019 Arafura Games sa Darwin, Australia ngayong Abril 26 hanggang Mayo 4.
Inaasahan ni Philippine Sepak Takraw Association president Karen Tanchangco-Caballero ang mabibigat na kalaban mula sa iba’t ibang panig ng mundo sa kumpetisyon.
Ang pagsabak ng sepak takraw team sa Arafura Games bilang paghahanda sa SEA Games sa Nov. 30 hanggang Dec. 11 dito sa Manila ay sinusuportahan naman ng Go for Gold project.
“With more games and tournaments coming up, they are really bound to improve in time for the SEA Games,’’ ani Go, ang bise presidente for marketing ng Powerball Marketing and Logistics Corporation.
Pagkatapos sa Arafura Games, ang men’s at women’s squads ay magpapatuloy sa kanilang training sa South Korea at Thailand ng ilang buwan bago muling sasabak sa isang kumpetisyon sa Thailand.
Ang koponan ni Tanchanco-Caballero ay nag-uwi ng isang silver medal at tatlong bronze sa 2018 King’s Cup Sepak Takraw World Championships na ginanap sa Nakhon Rachasima, Thailand noong 2016.
Kabilang sa koponan sina Rheyjey Ortouste, Ronsited Gabayeron, Emmanuel Escote, Joshua Gleen Bullo, Alvin Pangan, John Carlo Lee, John John Bobier, John Jeffrey Morcillos, Joeart Jumawan, Nestleer Bandivas, Christian George Encabo at Regie Reznan Pabriga.
Kasama rin sa women’s squad sina Mary Melody Taming, Abegail Sinogbuhan, Gelyn Evora, Josefina Maat, Jean Marie Sucalit, Jea Mae Pepito, Jocielle Fernandez, Aisa Sabellita, Allyssa Bandoy at Lhaina Lheil Mangubat.
- Latest