TIM Cone midawat sa kapildIhan

CEBU, Philippines — Gidawat ni Barangay Ginebra coach Tim Cone ang  nadangatan sa iyang koponan human sila gipalagpot sa ilang trono sa Magnolia Hotshots  sa semifinals sa PBA Governors Cup  niadtong Biyernes sa gabii.

Ang Ginebra nga mitapos isip topseed sa elimination gipaboran nga maoy modaog, apan nahugno sila human mapilde sa iskor nga 108-112 sa Game-4 sa ilang 'best-of-five' series.

Gitapos sa Hotshots ang series sa baraha nga 3-1.

Si Cone nga maoy nagkupot sa record nga coach nga adunay labing daghan nga PBA title sa iyang 21 ka korona, mipakita sa iyang kapamahiubsanon ug giangkon niya nga mas  maayo nga coach si Chito Victolero sa maong serye.