Aces, Bolts mobuak sa panagtabla

CEBU, Philippines – Nalikayan sa Alaska Aces ang delikadong 0-2 nga biya human makabawos sa Meralco Bolts, 100-95 sa Game-2 sa ilang 'best-of-five' semifinal series sa PBA Governors Cup niadtong Martes sa gabii.

Gumikan niini, natabla na ang series, 1-1 ug mabuak kini human sa ilang duwa sa Game-3 karong gabii. 

Si Alaska coach Alex Compton nagkanayon nga dili na sila masurprisa pa kun mosangpot sa Game 7 ang serye, apan paningkamuton nila nga matapos nila og sayo ang Meralco.

Rason sa kadaogan sa Alaska mao ang impresibong performance sa import nilang si Mike Harris nga mirehistro og 37 puntos.

Gusto ni Compton  nga ang iyang mga lokal  maningkamot sab sama nila ni Vic Manuel, Chris Banchero ug JV Casio.