2-0 laraw sa Meralco
CEBU, Philippines — Padayon nga mihimo og surprisa ang Meralco Bolts sa PBA Governors Cup human midaog batok sa Alaska Aces, 97-92 sa Game 1 sa ilang 'best-of-five' semifinals serie sa miaging gabii.
Ang Meralco gihatagan og gamay nga tsansa nga modaog batok sa No. 3 seed Alaska ilabi na nga miagi pa sila og 'do-or-die' game batok Phoenix Fuel Masters sa miaging semana, apan bisan pa og kuwang sa pahuway napakita sa mga batos ni coach Norman Black nga seryoso sila nga mosud og balik sa finals.
Laraw sa Bolts nga moposte og 2-0 nga bentaha sa Game 2 karong gabii didto sa Mall of Asia Arena.
Si Black subling mosandig sa iyang sinaligang import nga si Allen Durham nga mirehistro og 32 puntos ug 14 ka rebounds sa miaging duwa. Nanghinaut sab siya nga mopakita og nindot nga duwa sila si Chris Newsome ug Baser Amer.
Sa iyang bahin, si Alaska coach Alex Compton miangkon nga nauwawan siya human sa ilang kapildihan ug gipahimangnoan niya iyang mga players nga likayan nga dili kini mausab karon ug makabawos aron matabla ang serye. (BANAT NEWS)
- Latest