Hapon maoy target ni Donaire
CEBU, Philippines — Gitug-an ni Pinoy boxing star Nonito Donaire Jr. nga ang pakigsangka sa Japanese superstar nga si Naoya Inoue maoy iyang gusto mahitabo.
Si Donaire milampos pagsakmit sa WBA 'super' bantamweight title human sa iyang second round TKO nga kadaugan batok Irish Ran Burnett, apan gitug-an niya nga mas mulisod pa iyang mga sangka nga atubangan sa umaabot.
Nasayran nga ang sangka ni Donaire ug Burnett lakip sa usa ka tournament sa World Boxing Super Series diin abuton ang tanang ngilngig sa bantamweight division.
Si Donaire misulod na sa semifinals sa maong kadaugan diin iyang sunod ikasangka ang WBO champ nga si Zolani Tete sunod tuig.
Kun mudaog ni Tete, si Donaire hayag nga makigsangka ni Inoue kinsa maoy gitan-aw nga top contender sa maong torneyo.
Si Inoue kinsa maoy WBA regular champion adunay rekord nga 17-0, 15KOs, apan wa mibati og gamayng kalisang niini ang 'Filipino Flash'. (BANAT NEWS)
- Latest
