Ateneo pinadapa ang Iriga-Navy
MANILA, Philippines — Matagumpay na nakabalik sa kanilang porma ang Ateneo matapos patumbahin ang Iriga-Navy, 25-19, 29-27, 25-14, sa Premier Volleyball League Open Conference sa The Arena sa San Juan City kahapon.
Ito ang ikatlong panalo ng Ateneo sa apat na laro para makatabla sa Pocari Sweat at Creamline.
Nalasap naman ng Iriga-Navy ang kanilang pang-limang sunod na pagkatalo at nabigong makapasok sa win column.
Itinala ng Lady Oragons ang 17-5 bentahe sa second set bago ito palakihin sa 20-12.
Subalit rumatsada ng 12-0 atake ang Lady Eagles patungo sa set point, 24-20, at tuluyan nang angkinin ang panalo sa third set.
Samantala, haharapin ng Ateneo ang Adamson ngayong ala-4 ng hapon kasunod ang laro ng Creamline at Pocari-Air Force sa alas-6 ng gabi.
Parehong nasa three-game winning streak ang Creamline at Pocari.
- Latest
