Angel Mary Pawnshop, Z&G video audio daog dayon sa FYA season 2
CEBU, Philippines — Daog maoy misugat sa Angel Mary Pawnshop ug ang hiniusang puwersa sa Z and G Audio Video/Soontit Construction pagsugod sa FYA Basketball Tournament Season 22 niadtong Martes didto sa Don Vicente Sotto gym.
Ang Angel Mary Pawnshop ni McLain Alkuino mipilde sa bag-ong team Island Hot Wings ni Junrey Arreglo sa iskor nga 73-68, samtang ang Z&G Audio Video/Soontit Const. nilang Dave Natividad ug Macky Macachor mipilde sa Yoyi's Dessert & Pastries ni Ahlmark Albarracin, 98-93.
Si Val Ramirez mihabwa og 13 puntos, samtang si Alkuino mikandos og 11 puntos aron pangulohan ang balanseng opensa sa Angel Mary Pawnshop nga nakasungasong sa hugot nga kumbati.
Trese puntos sab ang nahimo ni Daniel Enriquez aron pangulohan ang naparot nga Island Hot Wings nga nasugamak dayon sa una nilang duwa. Laing duha niya ka teammates nga silang Christian Laud ug Ranel Patalita nagkumboya'g 23 puntos.
Sa laing bahin, si Dexter Caballero mipakitang gilas dayon diin miiskor siya og 25 puntos aron mangu sa scoring sa Z&G Audio Video Soontit Const. Si Dave Caballes miugkat og 19 puntos, gisundan ni Mervin Manila sa iyang 16 puntos.
Miduslit unta og 30 puntos si Jao Rabadon, apan wala kini mapahimusli nga napilde ang Yoyi's Dessert & Pastries. Si Reboy Caballes mihaling og 14 puntos, ang team manager nga si Albarracin mikadlit og 11 puntos sa napilde niyang koponan.
Puntos Matag Usa
Unang duwa:
Angel Mary Pawnshop (73) – Ramirez 13, Alkuino 11, Villaver 9, Laurente 8, Endrina 6, Ruby 5, Masongsong 5, Encarguez 5, Rara 5, Cabreros 3, Rama 3.
Island Hot Wings (68) – Enriquez 13, Laud 12, Patalita 11, Arreglo 9, Ensong 8, Garcia 6, Sy 4, Noquillo 3, Arias 2.
Ikaduhang duwa:
Z and G Audio Video (98) – Caballero 25, D. Caballes 19, Manila 16, Natividad 9, Regudo 8, Macachor 6, Laput 5, Trocio 4, Tolentino 3, Quintos 2.
Yoyi's Dessert & Pastries (93) – Rabadon 30, R. Caballes 14, Albarracin 11, Hanginon 10, Limbaga 9, B. Aglipa 7, Balingcasag 6, F. Aglipa 4, Mata 2. (BANAT NEWS)
- Latest
