Minglanilla tagak na

CEBU, Philippines – Hingpit na nga nahanaw ang ambisyon sa Minglanilla Archangels nga madepensaan ang ilang trono sa 2nd Cebu Governor's Cup Inter-Cities and Municipalities Under-21 Developmental Basketball Tournament.

Kini human gibihag sa Argao ang Sibonga, 93-88 pagtak-op sa South Division Cluster C quarterfinals.

Nag-triple tie ang Minglanilla, Argao ug Sibonga bitbit ang 1-2 win-loss records, apan ang Sibonga maoy milukat sa katapusang tiket sa semis gumikan sa mas taas niining tie-breaker gamit ang Olympic quotient system.

Ang Sibonga makigduyog sa Talisay City AquaStars, Barili ug Alegria sa Final 4 sa South Division nga mosikad karong Hunyo 23.

Didto sa Norte, tam-is nga panamilit maoy gidimdim sa Tuburan human ilang gibuntog ang Balamban, 98-90.

Ang kadaogan sa Tuburan nagsira sab sa pultahan sa Balamban ngadto sa semis.

Ang Final 4 sa North nga magpinaksitay  sugod karong Hunyo 26 mao ang Consolacion Sarok Weavers, Medellin, Bantayan ug San Francisco (Camotes).