San Miguel batok columbian
CEBU, Philippines – Laraw karon sa San Miguel Beermen nga mokulit sa ikatulo nilang sunod-sunod nga daog sa PBA Commissioner's Cup aron may tsansa pa sa playoffs.
Ang San Miguel makigsangka sa Columbian Dyip sa alas-7 sa gabii human sa duwa tali sa Blackwater Elite ug Magnolia Hotshots didto sa Smart Araneta Coliseum.
Human sa 0-3 nila nga sugod, ang Beermen nakahimo na og 'back-to-back' nga daog, labing uwahi batok sa Barangay Ginebra Kings nga ilang gipilde sa overtime niadtong Domingo sa iskor nga 104-97.
Ning higayona, ang Beermen tuyo nga mokatkat sa ikapitong dapit sa standing.
Ang ex-NBA cager ug import sa San Miguel nga si Renaldo Balkman mag-atubang og lisud nga hagit batok sa high-scoring import sa Columbian nga si John Fields, kinsa nag-average og dul-an sa 30 puntos matag duwa.
- Latest