World title belt ni Ancajas nabiyaan

CEBU, Philippines – Gipahibalo sa kampo ni Pinoy boxing champion Jerwin Ancajas nga wala nila madala ang IBF super flyweight title belt didto sa California.

Si Ancajas modepensa sa iyang bakus batok sa ALA boxer nga si Jonas Sultan karong Mayo 26.

Ang trainer ni Ancajas nga si Joven Jimenez miingon nga anaa sa Manila ang bakus nga nabiyaan sa sakyanan dihang paingon sila sa airport. Mipasalig  si Jimenez nga mapadala ang bakus  sa California sa dili pa ang away sunod semana.