Consolacion 3-0 na sa Cebu Gov's Cup 2018
CEBU, Philippines – Miiskor og 20 puntos si Emmanuel Villamore sa dihang gilat-an sa Consolacion Sarok Weavers ang Compostela, 83-64 alang sa ikatulo nilang sagunson nga daog sa North Division Bracket 1 sa 2nd Cebu Governor's Cup 2018 Inter-Cities and Municipalities Under-21 Developmental Basketball Tournament niadtong Miyerkules sa gabii didto sa Carmen Sports Complex.
Sila si Patrick Montano ug Marco Booker Panta midugang og 11 puntos matag usa alang sa Sarok Weavers nga midominar sa duwa gikan sa pagsugod hangtod sa katapusang gutlo.
Human miabante og 12 puntos sa halftime, 39-27, ang Consolacion padayong mimakmak sa Compostela aron pag-inat sa ilang labaw ngadto sa 19 puntos, 65-46 human sa tulo ka kuwarter. Wala na makabangon pa sukad niadto ang Compostela.
- Latest