Victorious Eagle mibihag sa Villa Reyna
CEBU, Philippines – Mirehistro og game-high 33 puntos si R. Lascuna alang sa Victorious Eagle nga mibihag sa Villa Reyna, 110-99 sa 12th Edition J&J Surplus basketball tournament niadtong weekend didto sa GT Academy gym sa Tayud, Lilo-an.
Kontrolado sa Victorious ni Danrex Bayonla ang duwa diin milansang sila og 11 puntos nga bentaha human sa unang 10 minutos sa duwa, 54-43.
Miaksiyon hinuon sila og takilid sa third period hinungdan nga napahakan ang labaw ngadto na lang sa sayes puntos, 88-82 paghuman sa maong kuwarter. Apan naprotektahan nila ang ilang labaw hangtod sa katapusang gutlo.
Sa lain pang mga duwa, ang 4 Nichols nakalingkawas gikan sa mga kamot sa J&J Surplus sa iskor nga 96-91, samtang ang Domz Auto Supply wa’y kukaluoy nga midemolis sa VHA Subdivision, 105-83.
Dominante kaayo ang team ni Domz Mercader gikan sa pagsugod hangtod nahuman ang duwa. Ila pa gani gilubong ang VHA ni Jojo Satuita og 24 puntos human sa tulo ka kuwarter, 79-55 nga naghatag og kasiguroan sa ilang kadaogan.
Ang ika-12 nga edisyon sa J&J Surplus tournament namugna sa paningkamot sa presidente niining si Henry Agbon. Ang mga duwa ubos sa superbisyon ni league commissioner Fury Trazona inabagan nilang Jeper Inahid, Russel Dacalos ug Choy Pilapil.
PUNTOS MATAG USA
Unang duwa:
4 NICHOLS (96) – Cañete 17, Marwin 14, Japos 12, Roland 12, James 11, Lascuna 9, Baen 7, Tiro 6, J. Ponce 4, Berandal 4.
J&J Surplus (91) – Tiwan 18, Yuson 17. Auman 15, Oroyan 15, H. Agbon 10, Hayahay 6, Romaguera 5, Dela Rama 5, Adulfo 4, Herra 3, Agbon 2.
Ikaduhang duwa:
DOMZ (105) – Dugenio 27, Domz 17, J. Bucatan 17, J. Bucatan 14, Paradiang 11, Arevalo 10, Mariquit 9, Luarez 9, R. Bucatan 6, Icot 2.
VHA (83) – Ughoc 21, Belisario 20, Macabare 10, Cezar 8, Serapion 8, Gandiongco 8, Selgas 5, Salazar 3.
Ikatulong duwa:
VICTORIOUS (110) – R. Lascuna 33, Tubod 20, Aparre 19, Patalot 12, C. Lascuna 9, Jalang 6, Mahinay 4, Bayonla 3, Badajos 2, Devera 2.
VILLA Reyna (99) – Godinez 28, Uzarraga 25, Arnoza 18, J. Dumon 7, Arnado 7, Camello 3, Nelmida 2.
- Latest
