Davis umukit ng record sa panalo ng West
NEW ORLEANS - Nagtala si Anthony Davis ng New Orleans Pelicans ng bagong record para sa pinakamaraming iniskor sa isang NBA All Star Game matapos kumamada ng 52 points para banderahan ang West laban sa East, 192-182.
Tinapos ng New Orleans forward ang laro sa double-double sa idinagdag na 10 rebounds para sa ikatlong sunod na pananaig ng West laban sa East sa midseason spectacle.
Hinirang si Davis bilang All-Star Most Valuable Player.
Umiskor si Wilt Chamberlain ng 42 points noong 1962 NBA All-Star Game.
Naglista naman si Russel Westbrook ng Oklahoma City Thunder ng 41 markers sa isang All Star game sa ikalawang sunod na pagkakataon nang tumipa ng 16 for 26 shooting, kasama rito ang 7 of 13 sa three-point line.
Nag-ambag sina Golden State Warriors teammates Kevin Durant at Stephen Curry ng tig-21 points para sa Western All Stars.
Nagkaroon ng drama sa hardcourt nang sabay na tumakbo sa magkabilang gilid ng court ang dating Thunder teammates na sina Westbrook at Durant.
Ipinasa ni Westbrook ang bola kay Durant sa kaliwa at ibinalik ito ni Durant kay Westbrook sa isang give-and-go na nagresulta sa isang dunk para sa 31-28 bentahe ng West.
Humakot naman si first-time All Star Giannis Antetokounmpo ng Milwaukee Bucks ng 30 points mula sa 14 of 17 shooting para pangunahan ang East.
May 23 points si LeBron James ng Cleveland Cavaliers buhat sa kanyang 10 for 17 clip.
Dinala ng Sacramento Kings ang sentrong si DeMarcus Cousins sa Pelicans kasama ang forward na si Omri Casspi.
Sangkot din sa naturang trade sina Buddy Hield, Tyreke Evans at Langston Galloway at ang 2017 firs-and secorn-round picks ng Sacramento.
- Latest