Sanchez misidlak sa Camotes MTB

CEBU, Philippines - Migawas nga labing dakung mananaug si Dongkey Sanchez sa gipahigayong 11th Camotes Cross-country Mountainbike Challenge didto sa San Francisco sa isla sa Camotes.

Ang Motocross rider nga usa na ka mountainbiker mitapos sa lumba sud sa usa ka oras, sayes minutos ug 14.10 segundos aron modominar sa masters' 30-39 class. Gisundan siya ni Allan Sanchez sa oras nga 1:06:57, samtang si Rolly Cabaluna milandig sa ikatulo sa oras nga 1:08:06.

Midaog sa combined junior-senior division si Jhunvie Pagnanawon sa oras nga 1:08:19.68, unom ka milliseconds ang labaw ngadto ni Jonel Carcueva. Ang igsuon ni Jhunvie nga si Jaybop maoy ikatulo sa oras nga 1:08:19.80.

Mikompleto sa lista sa mga midaog mao sila si Joseph Carcueva (veterans),  Alvin Dela Torre (beginners)  Rome Sanchez (golden), Jimboy Butad (executive), Pamela Jane Ruiz (women), Ronie Galon (Camotes bikers A) ug Roger Reguilla (Camotes bikers B). (BANAT NEWS)