Mayor Radaza Fiesta Bike ugma na

CEBU, Philippines - Andam na ang mga seklista sa Lapu-Lapu City nga motubag sa hagit sa mga bisitang riders sa pagsikad sa Mayor Paz Radaza Fiesta Bike Criterium 2015 ugma didto sa Hoopsdome sa Barangay Gun-ob, Lapu-Lapu City.

Ang lumba nga bukas sa tanang seklista naglakip sa road ug mountainbike disciplines.

Ang duha ka disiplina gibahin sa upat ka kategoriya -- mixed novice, beginners, fatboy class, golden, class B ug C ug pro elite class.

Kapin sa P40,000  nga ganting salapi ang gitagana sa mga mananaog sa maong lumba nga usa sa highlights sa kapistahan sa ilang mahal nga patrona Birhen sa Regla.

Sa mga interesadong mosalmot, ang registration fee nagkantidad og P100.