Supportsave, Telstra mag-ilog sa evo league title

CEBU, Philippines - Ang Supportsave Dragons ug Telstra-Teletech Boomerangs mitagak sa ilang mga kontra aron pag-angkon og katungod nga magsangka sa best-of-three championship alang sa Evo League title sa 11th CSCC E-League men’s basketball tournament niadtong Domingo didto sa City Sports Club-Cebu gym.

Si Niño Belande miposa og 20 puntos alang sa Supportsave nga mimakmak sa Author Solutions, Inc. Hardbacks, 75-66, samtang si Sam Jordan Hermosa mipatuasik  og  23  puntos   aron pagtuboy sa Telstra  sa 68-58 nga kadaugan batok sa Kyocera Frontiers.

 Si Germaine Jo Guarisma midugang og 19 puntos alang sa Supportsave nga maoy mikontrolar sa duwa human miposte og 34-31 nga labaw sa halftime. (BANAT NEWS)