R.A. Essentials/Shaweh mimakmak sa As-Es sports

CEBU, Philippines – Gilat-an sa R.A. Essentials/Shaweh ang As-Es Sportswear, 104-87 sa As-Es B.A.R. 2nd Conference Fiesta Cup 2015 basketball tournament niadtong Agosto 20 didto sa Benjamin Solon Memorial Gym sa Cogon Ramos, Cebu City.

Gipangulohan ni Louie Tanggol ang kadaugan pinaagi sa iyang 16 puntos. Sila si Reynaldo Zamora ug Frankie Lastimosa parehong mitampo’g 15 puntos, samtang si Rocky Bacalso miamot og  10 puntos alang sa R.A. Essentials/Shaweh nga   nagmangtas sa second ug third quarters aron pagsakmit og daog.

Upat sab ka players sa As-Es Sportswear ang miiskor og double figures sa pagpangulo ni Randyll Roncal, kinsa mipabuto’g  22 puntos. Si Cocoy Astudillo miani’g 18 puntos, samtang sila si Arnel Aragon ug Martinez mitampo’g 16 ug 10 puntos matag usa.

Sa laing duwa, napadaog ni Glen Birao ang AMBL pinaagi sa iyang crucial 3-point shot sa daginutong segundos sa duwa batok sa FTB, 75-71.

Si Birao miiskor og 10 puntos, apan si Erwin Ferrer maoy  topscorer sa AMBL sa iyang 16 puntos.  Sila si Berny Bontiao ug Bagtong Miñoza adunay 10 puntos matag usa.

Ang FTB gipangulohan ni Mama Ocampo nga mikamada’g 13 puntos, gisundan nilang Mark Fredelusis ug Ivan Sabal nga adunay 11 ug 10 puntos matag usa.

Puntos Matag Usa

Unang duwa:

R.A. Essentials/Shaweh (104) – Tanggol 16, Zamora 15, Lastimoso 15, Bacalso 10, Sasing 9, Licanda 9, Llagas 9, Capoy 8, Aniñon 3, Millan 2, Saban 2, Godiz 2, Pada 2.

As-Es Sportswear (87) – Roncal 22, Astudillo 18, Aragon 16, Martinez 10, Pamisa 6, Montecillo 4, Du 3, Estenzo 2, Magsayo 2, Coyoca 2, Sico 1.

Ikaduhang duwa:

AMBL (75) – E. Ferrer 16, Birao 10, Bontiao 10, Miñoza 10, Arias 9, Polar 6, T. Ferrer 4,  Lim 3, Iglesias 2, Tiu 2, Aliñabon 2, Robi 2.

FTB (71) – Ocampo 13, Fredelusis 11, Sabal 10, Maragnay 9, Bernal 9, Rodriguez 5, Miñoza 4, Melencion 3, Raboy 3, Abrio 2, Del Carmen 2. (BANAT NEWS)